ठुमक चलत रामचंद्र,
बाजत पैजनिया ।
किलकि किलकि उठत धाय,
गिरत भूमि लटपटाय,
धाय मात गोद लेत,
दशरथ की रनियां ।
ठुमक चलत रामचंद्र,
बाजत पैजनिया ।
अंचल रज अंग झारि,
विविध भांति सो दुलारि,
तन मन धन वारि वारि,
कहत मृदु बचनियां ।
ठुमक चलत रामचंद्र,
बाजत पैजनिया ।
विद्रुम से अरुण अधर,
बोलत मुख मधुर मधुर,
सुभग नासिका में चारु,
लटकत लटकनियां ।
ठुमक चलत रामचंद्र,
बाजत पैजनिया ।
तुलसीदास अति आनंद,
देख के मुखारविंद,
रघुवर छबि के समान,
रघुवर छबि बनियां ।
ठुमक चलत रामचंद्र,
बाजत पैजनिया ।
ठुमक चलत रामचंद्र,
बाजत पैजनिया ।